لاہور: چیئرمین تحریک انصاف عمران خان کی لاہور سے راولپنڈی آمد کی تیاریوں کو حتمی شکل دے ی گئی ہے۔
ایک نجی ٹی وی کے مطابق پارٹی کے انتہائی ذمہ دار ذرائع نے بتایا ہے کہ سابق وزیراعظم عمران خان ہفتہ کی دوپہر ایک سے دو بجے کے درمیان زمان پارک سے روانہ ہوں گے اور سخت سیکیورٹی حصار میں ائیر پورٹ پہنچیں گے۔
عمران خان ائیرپورٹ سے بذریعہ ہیلی کاپٹر راولپنڈی روانہ ہوں گے، ان کے ہمراہ ہیلی میں ڈاکٹرز بھی موجود ہوں گے۔ذرائع کے مطابق عمران خان راولپنڈی میں پی ٹی آئی مارچ کی قیادت کریں گے، شرکائے مارچ کو آئندہ کے لائحہ عمل کے متعلق آگاہ کریں گے۔
