ملک بھر سے کورونا کے 22 کیسز رپورٹ

ملک میں کوروناکے مثبت کیسز کی شرح اعشاریہ 68 فیصد رہی اور ایک شخص کورونا کے باعث انتقال کرگیا جبکہ 32 مریضوں کی حالت تشویشناک ہے۔قومی ادارہ صحت کی جانب سے جاری اعدادوشمار کے مطابق گزشتہ روز ملک بھر میں کورونا کے 3 ہزار 248 ٹیسٹ کئے گئے، پشاور میں کورونا وائرس کے 6 کیسز رپورٹ ہوئےاور مثبت کیسز کی شرح 3 اعشاریہ 51 فیصد رہی ، لاہور میں 24 گھنٹوں کے دوران کورونا کے 3 کیسز رپورٹ ہوئے اور وائرس کی شرح اعشاریہ 74 فیصد رہی، این آئی ایچ کے مطابق گزشتہ 24 گھنٹوں میں اسلام آباد میں کورونا کا 1 اور راولپنڈی میں 3 کیسز رپورٹ ہوئے،اسلام آباد میں کورونا وائرس کے مثبت کیسز کی شرح اعشاریہ 33 فیصد جبکہ راولپنڈی میں کورونا کیسز کی شرح اعشاریہ 95 فیصد رہی