کراچی میں ماں اور 3 بیٹیوں کو ذبح کردیا گیا

کراچی کے علاقے ملیرشمسی سوسائٹی میں مکان سے چارگلاکٹی لاشیں ملیں۔ پولیس کو گھر سے آلہ قتل خون آلود چھری مل گئی ہے ۔ پولیس کادعویٰ ہے کہ لاشیں ماں اور تین بیٹیوں کی ہیں۔ بچیوں کا والد فواد زخمی حالت میں گھرسے ملاہے۔ اطلاع ملنے پر پولیس موقع پرپہنچی توگھرکادروازہ اندر سے بند تھا۔ لاشوں کی شناخت 10 سالہ ثمرہ، 12 سالہ فاطمی اور 16 سالہ نیہا کے ناموں سے ہوئی۔ پولیس کوشبہ ہےکہ شوہر نے بیوی اور بچیوں کا قتل کرکے خودکشی کی کوشش کی ہے۔ گورنراور وزیراعلیٰ سندھ نےواقعے پرپولیس سربراہ سے رپورٹ طلب کرلی۔