قصور کے نواحی گاؤں متہ میں بھٹہ خشت کے قریب سے شیر اور اس کے بچے نکل آئے۔ شیر اور بچوں کو دیکھ کر علاقہ میں خوف و ہراس پھیل گیا۔ عینی شاہدین کے مطابق طارق نامی شخص اینٹیں بنارہا تھا کہ شیر بچوں سمیت آ گیا۔
طارق کے شور پر شیر بچوں سمیت بانس کی فصل میں گھس گیا۔ کچی اینٹوں پر شیر کے پنجوں کے نشانات پر وائلڈ لائف و پولیس کی ٹیمیں متحرک ہوگئیں۔ وائلڈ لائف اور پولیس نے شیر کی تلاش شروع کر دی لیکن کامیابی نہیں مل سکی۔
