لاہور: ن لیگکی قیادت نے پنجاب اسمبلی کے اپوزیشن لیڈر حمزہ شہباز کو 48 گھنٹوں میں پاکستان واپس پہنچنے کی ہدایت کی ہے۔
نجی ٹی وی کی رپورٹ کے مطابق پنجاب کی غیر یقینی سیاسی صورت حال مزید پیچیدہ ہوتی جا رہی ہے۔ اس دوران پی ٹی آئی اور اپوزیشن کی اتحادی جماعتوں کی جانب سے بیانات اور اقدامات کا سلسلہ جاری ہے۔
ذرائع کے مطابق مسلم لیگ ن کی قیادت کی جانب سے حمزہ شہباز کو آئندہ 48 گھنٹوں میں پاکستان پہنچنے کی ہدایت کی گئی ہے۔ واضح رہے کہ پنجاب اسمبلی میں اپوزیشن لیڈر حمزہ شہباز اس وقت بیرون ملک گئے ہوئے ہیں، انہیں پنجاب میں وزارت اعلیٰ دینے کے لیے فوری وطن پہنچنے کا کہا گیا ہے۔
