ایران کے دارالحکومت تہران اور البرز، قم، خوزستان، اصفہان اور کازوین کے صوبوں کے بعض علاقوں میں فضائی آلودگی کی وجہ سے اسکولوں میں تعلیم و تربیت آن لائن منعقد کرنے کا فیصلہ کیا گیا ہے۔
تہران کے گورنر آفس کی جانب سے جاری کردہ ایک بیان میں کہا گیا ہے کہ دارالحکومت کے کچھ حصوں میں فضائی آلودگی کا انڈیکس 200 سے اوپر چلا گیا ہے جو کہ صحت کے لیے مفید نہیں ہے۔ بیان میں کہا گیا ہے کہ وزارت صحت کی تجویز اور فضائی آلودگی کے ایمرجنسی ورکنگ گروپ کی منظوری کے ساتھ، حاملہ خواتین، 6 سال سے کم عمر کے بچوں یا پرائمری اسکول جانے کی عمر کے بچوں کے علاوہ بیماریا کمزور افراد کو باہر آلودگی میں نہ نکلنے کا کہا گیا ہے۔
دوسری جانب البرز، قم، اصفہان، خوزستان اور قزوین صوبوں کے کئی علاقوں بشمول یونیورسٹیوں میں آن لائن تعلیم دی جائے گی۔
پرانے ماڈل کی گاڑیوں اور عام طور پر استعمال ہونے والی موٹرسائیکلوں سے نکلنے والی گیسیں تہران میں فضائی آلودگی کو بڑھانے والے عوامل میں شامل ہیں۔
اس وجہ سے، تہران میں اسکولوں کو اکثر چھٹیاں دی جاتی ہیں، جس کا شمار دنیا کی فضائی آلودگی کی درجہ بندی میں سرفہرست 3 شہروں میں ہوتا ہے۔
