چین میں کورونا وبا پر قابو پانے میں مدد کے لیے یورپی یونین نے چین کو مفت ویکسین کی پیشکش کردی ہے ۔
یورپی کمیشن کے ترجمان ٹم میک فی کے مطابق چین میں کورونا میں اضافے پر یورپی یونین کے طبی حکام کل اہم اجلاس بھی کریں گے۔
بتایا گیا ہے کہ فی الوقت یورپی یونین کی اس پیشکش پر چین سے فی الحال کوئی ردعمل سامنے نہیں آیا ہے۔
واضح رہے کہ چین میں گزشتہ 24 گھنٹوں کے دوران کورونا وائرس سے مزید 3 اموات ہوئی ہیں۔
چین میں کورونا وائرس کے آغاز سے اب تک اموات کی مجموعی تعداد 5 ہزار 253 ہو گئی ہے۔
دوسری جانب امریکہ اور برطانیہ سمیت کئی ممالک چین میں کورونا واقعات کے پھیلاؤ پر وہاں سے آنے والے مسافروں پر کورونا ٹیسٹنگ کی پابندی عائد کرچکے ہیں۔
