روسی صدر ولا دیمیر پوتین نے چھتیس گھنٹے کی جنگ بندی کا اعلان کر دیا ہے جو کہ ہفتے کی شب مقامی وقت کے مطابق بارہ بجت تک نافذ رہے گی ۔
کریملن کےمطابق، صدر پوتین نے آرتھوڈوکس کرسمس کے موقع پر وزارت دفاع کو چھتیس گھنٹے کی جنگ بندی کے لیے ہدایات جاری کر دی تھیں۔
دوسری جانب یوکرینی حکام نے روسی صدر کی جنگ بندی کی تجویز مسترد کر دی ہے۔
دارالحکومت کیف میں یوکرینی حکام نے صدر پوتین کی جنگ بندی کی تجویز کو منافقت قرار دے دیا۔
اس حوالے سے یوکرینی صدارتی مشیر میخائیل پودو لایاک نے کہا کہ روس یوکرینی علاقوں کا قبضہ چھوڑے تو ہی جنگ بندی ممکن ہے۔
ان کا مزید کہنا تھا کہ پیٹرک کیرل کا جنگ بندی کا مطالبہ محض زبانی جمع خرچ ہے جبکہ روس اپنی منافقت اپنے پاس رکھے۔
