بھارت کے دارالحکومت نئی دہلی کے شمال میں واقع صدر بازار میں دھماکے کے نتیجے میں ایک شخص ہلاک اور 3 زخمی ہو گئے ہیں۔
روزنامہ ہندوستان ٹائمز نے کہا ہے کہ پولیس کی ابتدائی تحقیق کے مطابق دھماکہ بازار کی پائپ لائن پھٹنے سے ہوا ہے۔
پولیس کے مطابق دھماکے کی شدت سے خریداری مرکز کی چھت کا کچھ حصہ اور سیڑھیاں ٹوٹ گئی ہیں۔ واقعے میں ایک شخص ہلاک ا ور 3 زخمی ہو گئے ہیں۔
دوسری طرف صوبہ اترکھنڈ کے قصبے جوشی ماتھ میں کثیر تعداد میں گھروں میں دراڑیں اور سڑکوں میں گڑھے پڑنے کے نتیجے میں سینکڑوں افراد کو محفوظ مقامات پر منتقل کر دیا گیا ہے۔
تحصیل چامولی کے، خاص طور پر مذہبی سیاحت کی وجہ سے، مشہور قصبے جوشی ماتھ کے حکام نے کہا ہے کہ کم از کم 500 گھروں کی دیواروں اور زمین پر دراڑوں کی نشاندہی کی گئی ہے۔
بھارت محکمہ آفات کے افسر کشور جوشی نے کہا ہے کہ 44 کنبوں کو عارضی پناہ گاہوں میں منتقل کر دیا گیا اور تحقیقات شروع کر دی گئی ہیں۔
