اسلام آباد: تحریک انصاف نے محسن رضا نقوی کی بطور نگران وزیراعلیٰ پنجاب تقرری مسترد کرتے ہوئے اعلان کیا ہے کہ اس نظام کے خلاف سڑکوں پر جدوجہد کے علاوہ کوئی راستہ نہیں، کارکنان تیاری کریں، عمران خان کی قیادت میں بڑی مہم چلائیں گے۔
سماجی رابطے کی ویب سائٹ پر ٹوئٹ کرتے ہوئے فواد چوہدری نے نگران وزیر اعلیٰ پنجاب کی نامزدگی پر ردعمل دیتے ہوئے کہا کہ الیکشن کمیشن نے کبھی مایوس نہیں کیا، محسن نقوی جیسے متنازعہ شخص کو وزیر اعلیٰ مقرر کرنے کے فیصلے کو مسترد کرتے ہیں۔
محسن نقوی کی تقرری کو مسترد کرتے ہیں فیصلے اب عوام خود کریں گے۔۔۔ pic.twitter.com/mV8yQDEYC1
— Ch Fawad Hussain (@fawadchaudhry) January 22, 2023
فواد چوہدری نے کہا کہ اس نظام کے خلاف سڑکوں پر جدوجہد کے علاوہ کوئی راستہ نہیں، کارکنان تیاری کریں، عمران خان کی قیادت میں بڑی مہم چلائیں گے۔
