کھنڈالہ: بھارتی کرکٹر کے ایل راہول اور آتھیا شیٹی کی شادی کی تصاویر اور ویڈیوز منظرِ عام پر آگئیں۔
گزشتہ روز شادی کے بندھن میں بندھنے والی مشہور جوڑی کے ایل راہول اور آتھیا شیٹی کی شادی کی تصاویر اور ویڈیوز سوشل میڈیا پر وائرل ہو گئیں جنہیں مداحوں کی جانب سے بےحد پسند کیا جا رہا ہے۔
بھارتی معروف اداکار سنیل شیٹی کی بیٹی آتھیا شیٹی اور کرکٹر کے ایل راہول کی شادی کو خفیہ رکھا گیا تھا جبکہ ان کی شادی میں صرف خاص رشتہ داروں اور دوستوں کو مدعو کیا گیا تھا۔
یہ بھی پڑھیں: بھارتی کرکٹر کے ایل راہول اور آتھیا شیٹی شادی کے بندھن میں بندھ گئے
تاہم گزشتہ روز سے ہی بالی ووڈ اداکاروں نے سنیل شیٹی کو ان کی بیٹی کی شادی کی مبارکباد دینا شروع کر دی تھی جس کے بعد نوبیاتہ نے بھی میڈیا کے سامنے شاندار انٹری دیتے ہوئے تصاویر بنوائیں۔
شادی کے بعد میڈیا میں میٹھائی تقسیم کرتے ہوئے سنیل شیٹی کا کہنا تھا کہ وہ اب آفیشیلی سسُر بن چکے ہیں ولیمے کے حوالے سے پوچھے گئے سوال پر ان کا کہنا تھا کہ ’ریسیپشن انڈین پریمئیر لیگ (آئی پی ایل) کے بعد ہوگا‘۔
