اسلام آباد: تحریک انصاف کے رہنما اسد قیصر نے کہا ہے کہ متعلقہ اداروں کو خبردار کیا ہے کہ خیبر پختونخوا اور پنجاب کے گورنرز صوبائی اسمبلیوں کے انتخابات کی تاریخ کا اعلان نہ کرکے اپنی آئینی ذمہ داریوں سے روگردانی کر رہے ہیں۔
اسد قیصرنے کہا ہے کہ تحریک انصاف نے دونوں گورنروں کے خلاف عدالت کا دروازہ کھٹکھٹایا ہے، عدالت کی ذمہ داری ہے کہ دونوں گورنرزکو آئینی ذمہ داریاں پوری کرنے کا حکم دے۔
انہوں نے کہاکہ الیکشن ہونے کے بعد ہی ملکی حالات بہتر ہوسکتے ہیں، مہنگائی کی وجہ سے غریب انسان کا جینا محال ہوگیا ہے، دو وقت کی روٹی کیلیے عوام ترس گئی ہے، پیٹرول سمیت دیگر اشیاء خوردونوش کی قیمتیں آسمان سے باتیں کررہی ہے۔
