راولپنڈی:عوامی مسلم لیگ کے سربراہ اورسابق وزیر داخلہ شیخ رشید احمد نے کہا ہے کہ میں اپنے بیان پرقائم ہوں عمران خان درست کہتاہے آصف زرداری اسے قتل کرواناچاہتاہے ۔عمران خان کی جان کوشدید خطرات ہیں۔انکا منصوبہ عمران خان کونااہل اورمائنس کرناہے۔16وزارتوں میں کچھ نہ ملا توحکومت اوچھے ہتھکنڈوں پرآگئی، میرے وکیل نعیم حیدرنے تھانے میں بیان جمع کرادیاجوپولیس لینے سے انکاری ہے۔
ان خیالات کااظہار شیخ رشید احمد نے بدھ کے روز ٹوئٹر پر جاری اپنے بیان میں کیا۔شیخ رشید احمد کا کہنا تھا کہ پولیس کی پوری کوشش ہے کہ مجھے ہرحال میں گرفتارکیاجائے ۔پہلے لال حویلی پرقبضہ کیاجوہماری ذاتی ملکیت ہے، ہائیکورٹ نے قبضے کوختم کردیا،اسلام آبادپولیس کی طرف سے مجھے کوئی نوٹس موصول نہیں ہو،امیرے وکیل سردار رازق،نعیم حیدراورانتظارحسین ہیں باقی پولیس کی طرف سے میرے خلاف میڈیا ٹرائل کروایا جارہا ہے
