لاہور:سابق وزیر خزانہ اسد عمر نے کہا کہ حکومت نے بدترین مہنگائی ، بیروزگاری سےتوجہ ہٹانے کا یہ طریقہ نکالا کہ پی ٹی آئی اور صحافیوں کو گرفتار کرو.
پیر کے روز سماجی رابطے کی ویب سائٹ ٹویٹر پر سابق وفاقی وزیر وجنرل سیکرٹری تحریک انصاف نے ایک بیان میں کہا کہ حکومت نے عوام کی توجہ تاریخ کی بدترین مہنگائی اور بڑھتی ہوئی بیروزگاری سے ہٹانے کے لئے طریقہ یہ نکالا ہے کہ کسی تحریک انصاف کے لیڈر یا معروف صحافی کو گرفتار کرو تاکہ میڈیا میں یہی چلتا رہے اور عوام جس تکلیف سے گزر رہے ہیں اس کی بات ہی نہ ہو
