کراچی :جناح اسپتال کراچی میں خالی اسامیوں پر بھرتیوں کے خلاف دائر درخواست پر سندھ ہائی کورٹ نے حکم امتناع جاری کر دیا ہے۔
جناح پوسٹ گریجویٹ میڈیکل سینٹر کراچی کے ایگزیکٹو ڈائریکٹر پروفیسر شاہد رسول کی جانب سے65سے زائد خالی اسامیوںپر بھرتیوں کیلئے سندھ کے ڈومیسائل کے حامل امیدواروں سے آن لائن درخواستیں طلب کی گئی تھیں۔
درخواست گذار خورشید نے سندھ ہائی کورٹ میں دائر درخواست میں وفاق ،سندھ حکومت اور ایگزیکٹو ڈائریکٹر جے پی ایم سی کو فریق بنایا تھا جس پر عدالت کی دو رکنی بینچ نے جناح اسپتال میں بھرتیوں کے خلاف حکم امتناع جاری کیا۔
واضح رہے کہ سندھ حکومت نے سپریم کورٹ آف پاکستان اور سندھ ہائی کورٹ کے احکامات کے خلاف ورزی کرتے ہوئے پروفیسر شاہد رسول کو جے پی ایم سی میں ایگزیکٹو ڈائریکٹر کے عہدے پر تعینات کیا۔
