کراچی: پاکستان سپر لیگ ( پی ایس ایل )کی فرنچائز اسلام آباد یونائیٹڈ نے اپنے غیر ملکی کھلاڑیوں کی دستیابی سے متعلق تفصیلات شیئر کی ہیں، پی ایس ایل کی تاریخ میں اسلام آباد یونائیٹڈ واحد ٹیم ہے جس نے 2 مرتبہ ٹائٹل اپنے نام کیا ہے۔
پی ایس ایل کے آٹھویں ایڈیشن کے لیے بھی اسلام آباد کی ٹیم ہر شعبے میں مضطوب نظر آتی ہے، فرنچائز نے بھی دیگر ٹیموں کی طرح کئی بین الاقوامی کھلاڑیوں کی خدمات حاصل کی ہیں۔
جن میں کولن منرو، ایلکس ہیلز ، ٹام کرن، پال اسٹرلنگ، فضل حق فاروقی اور رحمت اللہ گرباز شامل ہیں، یونائیٹڈ کے مطابق ٹام کرن، پال اسٹرلنگ اور کولن منرو پورے ایونٹ میں دستیاب کریں گے۔
گس اٹکنسن پی ایس ایل 8 کے پہلے 4 میچز جب کہ راسی وینڈر ڈوسن گروپ میچز کے لیے دستیاب ہوں گے، اسی طرح ایلکس ہیلس 5 گروپ میچز اور پلے آف مقابلوں، رحمت اللہ گرباز اور فضل حق فاروقی 8 گروپ میچز اور پلے آف جب کہ ٹائمل ملز 6 گروپ میچز اور پلے آف مقابلوں کے لیے دستیاب ہوں گے۔
