نئی دہلی:آسٹریلوی کرکٹرز ٹیسٹ سیریز میں بھارت سے ملنے والی شکست کا غم بھلانے مغل بادشاہ ہمایوں کے مقبرے پر پہنچ گئے۔
آسٹریلوی کرکٹرز نے ڈے آئوٹ تاریخی مقامات کی سیر کرکے منایا اور اس دوران کھلاڑیوں نے دہلی میں مغل بادشاہ ہمایوں کے مقبرے کا دورہ بھی کیا۔
آسٹریلوی اوپنر ڈیوڈ وارنر نے سوشل میڈیا پر مقبرے کی سیر کی تصاویر سوشل میڈیا پر پوسٹ کیں جس میں وہ اپنے اہلخانہ کے ہمراہ موجود ہیں۔
واضح رہے کہ دہلی میں دوسرا ٹیسٹ تیسرے روز ہی ختم ہو گیا تھا،آسٹریلیا کو بھارت میں اب تک دونوں ٹیسٹ میچز میں شکست کا سامنا کرنا پڑا، دونوں کا تیسرا ٹیسٹ میچ یکم مارچ سے شروع ہونا ہے۔
