اسلام آباد:کفایت شعاری مہم کے بعد وفاقی وزیر مولانا اسعد محمود نے کابینہ ڈویژن سے ملنے والی بم پروف گاڑی واپس کردی۔
میڈیا رپورٹس کے مطابق وفاقی وزیر نے کفایت شعاری مہم کے تحت مجاز 1800 سی سی کار بھی نہ لینے کا فیصلہ کیا ہے، مولانا اسعد محمود اپنی ذاتی گاڑی کا استعمال کریں گے۔
مولانا اسعد محمود نے کہاکہ کفایت شعاری مہم کے تحت وزارت کے اخراجات میں بھی کمی لائی جائے گی، تمام وزیروں سے اپیل کرتا ہوں کہ اس مہم میں اپنا بھر پور کردار ادا کرتے ہوئے تعاون کریں۔
