نئی دہلی: بھارتی ریاست چھتیس گڑھ کے ضلع سکما میں آج نکسل علیحدگی پسندوںکے ساتھ ایک تصادم میں پولیس کے ڈسٹرکٹ ریزرو گارڈ کے تین اہلکار ہلا ک ہو گئے۔
انسپکٹر جنرل آف پولیس سندرراج پی نے ذرایع ابلاغ کے نمائندوں کو بتایا کہ جھڑپ صبح 9 بجے کے قریب جاگر گنڈہ اور کنڈیڈ گاؤں کے درمیان اس وقت ہوئی جب ڈی آر جی کی ایک ٹیم تلاشی آپریشن کیلئے جا رہی تھی۔
انہوں نے بتایا کہ فائرنگ کے تبادلے میں36سالہ اسسٹنٹ سب انسپکٹر رامورام ناگ،33سالہ کانسٹیبل کنجم جوگا اور31سالہ اہلکار ونجم بھیما مارے گئے۔
یاد رہے کہ 20 فروری کو ریاست کے راج ناندعلاقے میں نکسلیوں کے حملے میں دو پولیس اہلکار ہلاک ہو ئے تھے۔
