ساہیوال: مسلم لیگ (ن) کی چیف آرگنائزر مریم صفدر نے کہا ہے کہ پہلے گھڑی چور انصاف کے کٹہرے میں کھڑا ہو گا پھر الیکشن ہو گا، اولاد چھپانے جیسا جھوٹ پاکستان کے کسی وزیراعظم نے قوم سے نہیں بولا، نواز شریف کی بیٹی تو آپ کے سامنے کھڑی ہے، عمران خان کی بیٹی کدھر ہے؟
جلسے سے خطاب کرتے ہوئے مریم صفدر نے کہاکہ عمران خان کا دوسرا نام گھڑی چور ہے، ایک نام فتنہ خان بھی ہے، اس کو لانے والے جانتے تھے کہ وہ تباہی کا دوسرا نام ہے، نہ اس کے پاس کردار تھا نہ اس کے پاس کارکردگی تھی۔
رہنما ن لیگ کا کہنا تھا کہ عمران خان کو آج بھی جنرل ریٹائرڈ فیض حمید کی باقیات بچا رہی ہیں، بابا رحمت آج بھی عدلیہ میں اپنے لگائے ہوئے ججز سے کام لے رہا ہے، الیکشن مانگتے ہو تو اسمبلیاں توڑتے کیوں ہو؟
