اسلام آباد: ترجمان دفترخارجہ ممتاززہرہ بلوچ نے کہا ہے کہ لیبیا کے ساحلی شہر بن غازی میں کشتی کے حادثے میں 7 پاکستانی جاں بحق ہوگئے۔
ممتاز زہرہ بلوچ نے ہفتہ وار بریفنگ کے دوران کہا کہ لیبیا میں پاکستان کا سفارت خانہ جاں بحق افراد کی شناخت کے عمل میں سہولت فراہم کر رہا ہے۔ مقامی حکام اور ہلال احمر کی انٹرنیشنل کمیٹی کے تعاون سے لاشیں پاکستان لائی جائیں گی۔
ترجمان دفتر خارجہ کا کہنا تھا کہ پاکستانی سفارت خانہ اور خارجہ امور کی وزارت جاں بحق افراد کے لواحقین سے رابطے میں ہیں۔
