جدہ: مکہ مکرمہ میں آج رات چاند خانہ کعبہ کے عین اوپر ہوگا، اس سے دنیا بھر میں قبلہ کے رخ کا درست تعین ہوسکے گا جبکہ پاکستان میں تقریباً رات 12 بجکر 43 منٹ پر قبلہ کا تعین کیا جاسکے گا۔
جدہ میں فلکیاتی انجمن کے سربراہ انجینئر ماجد نے بتایا کہ آج رات چاند 93 فیصد روشن ہوگا، چمکدار ستارے بھی دیکھے جاسکیں گے، سال 2023ء میں کعبہ کے اوپر چاند کا منظر پہلی اور آخری مرتبہ دیکھا جاسکے گا۔
رپورٹ کے مطابق سعودی عرب میں اس نظارے کو مقامی وقت کے مطابق رات 10 بجکر 43 منٹ پر دیکھا جاسکے گا جبکہ پاکستانی وقت کے مطابق رات 12 بج کر 43 منٹ پر قبلہ رخ کا تعین ہوسکے گا۔
