راولپنڈی: انٹرسروسز پبلک ریلیشنز کے مطابق سکیورٹی فورسز نے خفیہ اطلاع پر آپریشن کیا جس کے دوران 3 دہشت گرد ہلاک ہو گئے۔
آئی ایس پی آر کے مطابق سکیورٹی فورسز نے آپریشن جنوبی آواران میں کیا، بہادر جوانوں سے فائرنگ کے تبادلہ میں 3 دہشت گرد جہنم واصل ہو گئے۔ ہلاک ہونے والے دہشت گرد تربت آواران روڈ پر بارودی سرنگیں بچھانے میں ملوث تھے، ہلاک دہشت گردوں سے اسلحہ اور بارود بھی برآمد ہوا۔
پاک فوج کے شعبہ تعلقات عامہ کے مطابق اس موقع پر پاک فوج نے بلوچستان میں امن سبوتاژ کرنے کی ہر سازش کو ناکام بنانے کے عزم کا اظہار کیا۔
