صدر رجب طیب ایردوان نے اسرائیلی ہم منصب اسحاق ہرتسوغ سے ٹیلیفون پر رابطہ کیا ہے ۔
ترک صدارتی دفتر اطلاعات کے مطابق ،گزشتہ روز ہوئی اس بات چیت میں ترک۔اسرائیل تعلقات پر غور کیا گیا ۔
بات چیت میں اسرائیلی صدر نے ماہ رمضان کی آمد پر مبارک باد ہیش کی جس کے جواب میں صدر ایردوان نے بھی پیساخ کے تہوار کی مبارک باد پیش کی اور زلزلے کے نتیجے میں ترکیہ سے یک جہتی کے اظہار پر ان کا شکریہ ادا کیا ۔
صدر ایردوان نے تشویش ظاہر کی کہ ماہ رمضان کی آمد کے ساتھ ہی مغربی کنارے میں حملوں میں اضافہ ہو رہا ہے، مسجد الاقصی کے تاریخی تشخص کو نقصان پہنچانے کی ہر کوشش ناکام بنانا اہمیت کا حامل ہوگا۔
صدر ایردوان نے اسرائیلی ہم منصب کی اس معاملے میں حساسیت اور ان کی امن کےلیے کوششوں کو بھی سراہا ۔
