مظفرآباد:سیکرٹری خوراک کی ہدایت پرمحکمہ خوراک کا عملہ خفیہ مانیٹرنگ کیلئے سرگرم ،محکمہ خوراک آزادکشمیر کا آزادکشمیر بھر میں سرکاری آٹا کی فراہمی کے لیے بھرپور اقدام کا فیصلہ،رمضان المبارک میں شہریوں کو سستا اور معیاری سرکاری آٹا فراہم کرنے اورآٹا کی ترسیل میں حائل تمام رکاوٹوں کو دور کرنے کا اعادہ۔
ترجمان محکمہ خوراک کے مطابق اس وقت ایسے بہت سے ڈیلر ہیں جن کے بارے میں شکایات موصول ہورہی ہیں کہ وہ آٹا بلیک کرتے ہیں یا پھر یہی سرکاری آٹا مہنگے داموں فروخت کرتے ہیں۔شکایات ہیں کہ ڈیلرز آٹا اپنے ڈپوئوں پر نہیں رکھتے بلکہ خفیہ جگہوں پر منتقل کردیتے ہیں جو بعد میں بلیک میں فروخت کیا جاتا ہے۔
اس حوالے سے گزشتہ روز سیکرٹری خوراک کے محکمہ خوراک کے آفیسران کو ہدایت کی کہ خفیہ طریقہ کار سے ایسے ڈیلر جو محکمہ خوراک کو بدنام کررہے ہیں کہ خلاف کاررروائی عمل میں لائیں اور ذخیرہ اندوزوں اوربلیک میں آٹا کی فروخت کرنے والے ایسے ڈیلرز کسی رعایت کے مستحق نہیں۔
