اسلام آباد:افغانستان کے خلاف ٹی ٹوئنٹی سیریز کے تیسرے میچ میں ڈراپ کیے جانے والے نوجوان بیٹر اعظم خان نے انسٹاگرام پر ذومعنی اسٹوری پوسٹ کی۔
اعظم خان نے پہلے ٹی ٹوئنٹی میں صفر اور دوسرے میں صرف 1رن بنایا جب کہ انہیں تیسرا میچ نہیں کھلایا گیا، وکٹ کیپنگ میں بھی اعظم سے کیچز ڈراپ ہوئے، گیند دستانوں میں نہ آنے کے سبب 4رنز بھی بنے۔
اعظم کی کارکردگی کے بعد سوشل میڈیا پر انہیں خاصہ تنقید کا نشانہ بنایا گیا جس کے بعد اب کرکٹر نے انسٹاگرام پر ذومعنی اسٹوری پوسٹ کی،اعظم کی جانب سے پوسٹ کردہ اسٹوری پر ٹیکسٹ درج تھا ‘صبر رکھیں! اللہ نے آپ کی کہانی کا اختتام ابھی نہیں کیا’۔
