بلوچستان:کے ضلع سوراب میں قلات کمشنرداؤدخان خلجی اور ان کے اسکواڈ کو حادثہ پیش آیا جس کے نتیجے میں کم از کم چار لیویز اہلکار جاں بحق اور دو زخمی ہوگئے۔
تفصیلات کے مطابق کمشنر قلات داؤدخان خلجی اور ان کااسکواڈ خضدار جا رہے تھے واقعہ اس وقت پیش آیا جب ان کی گاڑی مخالف سمت سے آنے والے ٹرالر سے ٹکرا کر الٹی ہو گئی جس کے نتیجے میں 4 لیویز اہلکار جاں بحق ہوگئے۔
اس دوران حادثے میں کمشنر قلات داؤد خان خلجی محفوظ رہے۔ جاں بحق اور زخمی لیویز اہلکاروں کو سول اسپتال سوراب منتقل کر دیا گیا۔
ایک بیان میں کمشنر قلات داؤد خان خلجی نے اس المناک واقعہ پر گہرے دکھ اور افسوس کا اظہار کرتے ہوئے جاں بحق ہونے والے افراد کے لواحقین سے تعزیت کا اظہار کیا ہے۔
