روسی صدر ولادی میر پوتن اور چینی وزیر دفاع لی شانگ فو نے دونوں ممالک کے درمیان عسکری شعبے میں تعاون پر تبادلہ خیال کیا۔
روسی صدارتی محل کریملن کی جانب سے ایک تحریری بیان میں کہا گیا ہے کہ پوتن نے دارالحکومت ماسکو میں وزیر لی کو شرفِ ملاقات بخشا۔
بیان بتایا گیا ہے کہ اس ملاقات میں پوتن نے روس اور چین کے درمیان عسکری شعبوں میں تعاون پر اطمینان کا اظہار کیا۔
پوتن نے کہا کہ ہم اپنے فوجی یونٹوں کی وساطت سے مؤثر طریقے سے کام کر رہے ہیں، ہم باقاعدگی سے مفید معلومات کا تبادلہ کرتے ہیں، فوجی تکنیکی شعبوں میں تعاون کرتے ہیں اور مشترکہ مشقیں کرتے ہیں۔
اس بات کی طرف اشارہ کرتے ہوئے کہ زیربحث مشقیں مشرق بعید اور یورپ میں زمینی، سمندری اور فضائی دستوں کی شرکت کے ساتھ منعقد کی گئی تھیں، پوتن نے کہا کہ بلاشبہ یہ چیز اعتماد پر مبنی ہمارے اعلیٰ سطحی تعلقات کو مضبوطی دلانے والا ایک اہم شعبہ ہے۔”
لی نے اس موقع پر کہا کہ ہمارے ممالک کے مابین عسکری شعبے میں تعاون فروغ پا رہا ہے۔
چینی وزیر دفاع کا کہنا تھا کہ "حالیہ ایام میں روس اور چین کے درمیان عسکری اور عسکری۔ تیکنیکی شعبوں میں تعاون ایک اہم روش پر آگے بڑھ رہا ہے۔ یہ صورتحال عالمی و علاقائی سلامتی میں اہم خدمات فراہم کر رہی ہے۔
