ہندوستان نے میانمار کے صوبے چن میں تین شہریوں کے قتل کے بعد اس صوبے سے منسلک اپنی سرحدی چوکی کو بند کر دیا ہے۔
واشنگٹن میں قائم ریڈیو فری ایشیا (آر ایف اے) کی میانمار سروس سے بات کرتے ہوئے ریاست چن کے قصبے ماتوپی میں رہنے والے ایک شخص نے بتایا کہ میانمار فوج کے فضائی حملوں میں تین ہندوستانی شہریوں کی ہلاکت کے بعد میزورم اور منی پور کی ریاستوں نے اس ریاست سے متصل 4 سرحدی چوکیوں کو بند کر دیا ہے۔
میانمار کے باشندے نے، جس نے سیکورٹی خدشات کی وجہ سے اپنا نام ظاہر نہیں کیا، نے بتایا کہ سرحدیں بند ہونے کی وجہ سے خوراک، علاج اور پناہ کے مواقع تک رسائی منقطع ہے۔
مقامی ذرائع کے مطابق فضائی حملے کے بعد ہزاروں میانماری شہریوں نے بھارت کی سرحدی ریاست میزورم میں پناہ لی ہے۔
دوسری جانب دعوی کیا گیا ہے کہ منی پور صوبے میں پناہ لینے والے میانمار کے شہریو ں پر بھارتی اہلکاروں نے دباو میں اضافہ کر دیا ہے اور 6 بچوں سمیت 11 خواتین سمیت 23 افراد کو حراست میں لے لیا ہے۔
مقامی رہائشیوں نے دعویٰ کیا کہ زیر حراست افراد کو "عارضی پناہ گاہوں” میں لے جایا گیا ہے۔
10 اپریل کو چن ریاست میں "باغیوں” کے خلاف میانمار کی فوج کی کارروائیوں میں، فلام قصبے میں ایک اسکول کے قریب فضائی حملے میں 3 ہندوستانی شہریوں سمیت 9 افراد ہلاک اور 4 افراد زخمی ہوئے۔
