چوہدری شجاعت نے کہا کہ اس رات پولیس پرویز الہی کے گھر پر گئی تو انھیں بتایا گیا کہ پرویز الہی چوہدری شجاعت حسین کے گھر میں ہیں جس کے بعد پولیس پرویز الہی کے گھر کو چھوڑ کر میرے گھر کی طرف دوڑ پڑی۔
چوہدری شجاعت نے کہا کہ جب پولیس والے میرے گھر کے دروازے پر پہنچے تو میرے دونوں بیٹے دروازے کے دوسری طرف موجود تھے، جب پولیس والے آگے بڑھ رہے تھے تو میرے دونوں بیٹوں نے انھیں روکا جس پر پولیس نے دروازے کو توڑنے کی کوشش کی جس کے نتیجے میں دروازے کے شیشے تو ٹوٹ گئے مگر دروازا نہ ٹوٹ سکا لیکن میرے دونوں بیٹے اس صورتحال میں زخمی ہو گئے۔
انہوں نے کہا کہ چوہدری سالک حسین کے ہاتھ پر ٹانکے لگے، کئی گھنٹے دروازہ توڑنے کی کوشش کے بعد پولیس دروازے سے واپس چلی گئی۔
