اسلا م آباد: وزیر دفاع خواجہ آصف نے کہا ہے کہ سارا رولا ستمبر کا ہے، مذاکرات کا کھیل سیاستدان کرتے رہتے ہیں، عمران خان سے مذاکرات بے سود ہیں۔
وزیر دفاع نے کہا کہ ہمیں مذاکرات کا کہنے والے ججز خود تقسیم کا شکار ہیں، ججز پہلے اپنے اندر اتحاد کیلئے مذاکرات کریں۔
انہوں نے کہاکہ عمران خان چاہتے ہیں کہ چیف جسٹس عمر عطا بندیال کی ستمبر میں ریٹائرمنٹ سے پہلے الیکشن ہوجائیں، ہم یہ نہیں چاہتے کہ ان کی ریٹامنٹ کے بعد ہوں، ہم چاہتے ہیں الیکشن وقت پر ہوں، ہم تو کہتے ہیں وقت پر الیکشن ہوں اکتوبر میں سارے اکٹھے۔
