لاہور: پاکستانی وزیر خارجہ بلاول بھٹو کے دورہ بھارت پر انڈین میڈیا کی ان کے خلاف گھناؤنی مہم کے خلاف اداکار عدنان صدیقی نے ردعمل دیا ہے۔
ٹویٹر اکاؤنٹ پر اپنے خیالات کا اظہار کرتے ہوئے عدنان صدیقی کا کہنا تھا کہ ایک اچھا میزبان مہمانوں کے ساتھ احترام پر مبنی میزبانی اقدار کا خیال رکھتا ہے چاہے اس کا کوئی بھی سیاسی یا نظریاتی تنازعہ ہو۔
اداکار نے مزید لکھا کہ ایک مہمان کی تحقیر سے کوئی خاص مقصد حاصل نہیں ہوتا البتہ اس سے حالات مزید خراب ہوتے ہیں۔
A good host upholds the value of hospitality and treat guests with dignity and respect, regardless of any underlying political or ideological conflicts. Ultimately, the act of demeaning a guest serves no productive purpose and only vitiates the situation. #bilawalbhutto
— Adnan Siddiqui (@adnanactor) May 7, 2023
بلاول بھٹو بارہ برس کے دوران پاکستان کی طرف سے پہلے وزیر خارجہ ہیں جنہوں نے بھارت کا دورہ کیا ہے اور انہوں نے شنگھائی تعاون تنظیم کے اجلاس میں شرکت کی تھی۔
بھارتی میڈیا نے روایتی انداز میں پاکستانی وزیر خارجہ کے خلاف گھناؤنی مہم چلائی اور بھارتی وزیر خارجہ نے میزبانی روایت کے برخلاف بلاول بھٹو کے متعلق نامناسب الفاظ استعمال کیے تھے۔
