اسلام آباد: ہائیکورٹ کے اطراف وقفے وقفے سے فائرنگ کی جارہی ہے، جبکہ سیکورٹی الرٹ کردی گئی ہے۔
پولیس کے مطابق سری نگر ہائی وے پر ایچ 11 کے ایریا میں شدید فائرنگ کی آواز آرہی ہے جبکہ ہائیکورٹ کے سامنے جنگل ایریا میں پولیس فائرنگ کرنے والوں کی تلاش میں روانہ ہوگئی ہے۔
میڈیا ذرائع کے مطابق اسلام آبادہائیکورٹ کے قریب جی 10 میں بھی فائرنگ کی آوازیں آرہی ہیں جس کے بعد ہائیکورٹ کے اطراف سکیورٹی الرٹ جاری۔ پولیس اور رینجرز کی بھاری نفری تعینات کردی گئی۔
ترجمان نے بتایا کہ اسلام آباد میں جی 11 اور جی 13 کے علاقے میں پولیس پر فائرنگ ہوئی ہے اور صورتحال کو مانیٹر کیا جا رہا ہے۔ اسلامی یونیورسٹی کے قریب کچی آبادی میں فائرنگ ہوئی ہے، پولیس کنٹرول پر فائرنگ کی آواز کے بعد انڈسٹریل ایریا پولیس کو الرٹ کردیا گیا۔
پولیس ذرائع نے بتایا کہ ایس ایم جی اور پسٹل کی فائرنگ ہوئی ہے۔ فائرنگ سے جانی نقصان نہیں ہوا،تمام پولیس اہلکارمحفوظ ہیں، سرچ ٹیمیں قرب و جوارمیں جائزہ لے رہی ہیں۔
