کراچی: بلدیہ ٹاون کے علاقے کچرا کنڈی سے ایک شخص کے ہاتھ اور پاؤں جبکہ اس کا دھڑ دوسری کچرا کنڈی سے برآمد ہوا ہے۔
تفصیلات کے مطابق اتوار کی شب 10 بجے بلدیہ ٹاون کے علاقے سیکٹر 9 کچرا کنڈی سے ایک شخص کے 2 ہاتھ اور 2 پاؤں برآمد کیے گئے جسے پولیس نے تحویل میں لیکر اسپتال منتقل کردیا۔
پولیس کے مطابق ہفتے کو مقتول کا دھڑ سیکٹر 9 ڈی کی کچرا کنڈی سے ملا تھا مقتول کی ہاتھوں کی انگلیوں سے فنگر پرنٹ کرایا جائیگا تاکہ اس کی شناخت ہوسکے تاہم ابھی بھی مقتول کا سر نہیں ملا جسے تلاش کیا جارہا ہے۔
پولیس کے مطابق نامعلوم سفاک ملزمان نے مذکورہ شخص کو بے دردی سے قتل کرنے کے بعد اس کے ہاتھ پاوں اور سر کاٹ دیا تھا واقعے کا مقدمہ سعید آباد تھانے میں درج کیا گیا ہے۔
