امریکہ قومی جغرافی خبر رساں ایجنسی کے ڈائریکٹر برگیڈیئر فرینک وِد ورتھ نے کہا ہے کہ ہم چاند پر دنیا سے مشابہ نیوی گیشن سسٹم بنانے کے لئے کام کر رہے ہیں۔
سینٹ لوئس میں منعقدہ GEOINT کانفرنس سے خطاب میں وِد ورتھ نے کہا ہے کہ "اس وقت ناسا، محکمہ جیولوجی ریسرچ ، امریکہ خلائی فورسز اور خلائی کمانڈ آفس کے ساتھ مل کر کام کر رہا ہے ۔ ہمارا منصوبہ مستقبل میں چاند کے زائرین کی سہولت کے لئے دنیا کے جی پی ایس جیسا صائب اور قابل اعتبار رہبری کا اہل ‘لونر جیوڈیسک سسٹم ‘ قائم کرنا ہے”۔
انہوں نے کہا ہے کہ "لُونر ریفرنس فریم ورک” نامی یہ سسٹم جی پی ایس کی طرح سمت شناسی کی صلاحیت کا حامل ہو گا اور چاند پر قطعی لمبائی، چوڑائی اور زمانی ڈیٹا فراہم کرنے والے وہی فرائض سرانجام دے گا جو عالمی جیو ڈیسک نظام زمین پر سرانجام دے رہا ہے۔
وِد ورتھ نے کہا ہے کہ یہ منصوبہ ،مستقبل میں امریکہ اور دیگر ممالک کے ساتھ ساتھ تجارتی فرموں کے لُونر سیاحتی منصوبوں اور وہاں کسی اقتصادیات کی تنصیب کے خیال کا حصہ ہے۔
امریکہ قومی جغرافی خبر رساں ایجنسی کے ڈائریکٹر برائے وسائل و آپریشن ‘جیمز گرفتھ’ نے امریکی ذرائع ابلاغ کے لئے بریفنگ میں کہا ہے کہ مذکورہ منصوبہ امریکہ وزارت دفاع ‘پینٹاگون’ کے زیرِ انتظام چلایا جا رہا ہے۔
