اسلام آباد: وزیراعظم شہباز شریف نے کہا ہے کہ عمران نیازی کی چال کو سمجھنے میں غلطی نہ کریں۔
سماجی رابطوں کی ویب سائٹ ٹوئٹر پر جاری بیان میں وزیراعظم کا کہنا تھا کہ قانون نافذ کرنے والے اداروں اور پولیس کو بدنام کرنے کی عمران نیازی کی چال کو سمجھنے میں غلطی نہ کریں۔ 9مئی کے واقعات سے نظرہٹانے کے لیے وہ بے بنیاد الزامات لگا رہا ہے۔
وزیراعظم نے مزید کہا کہ جوشخص اداروں کے خلاف مسلسل غلط زبان استعمال کرتا رہا اور لوگوں کو دفاعی تنصیبات پر حملے کے لیے اکساتا رہا وہ کسی بھی حد تک جاسکتا ہے۔
انہوں نے کہا کہ جو شخص شہدا کی یادگاروں کو نیچے گرانے کے لیے لوگوں کو اکساتارہا، وہ کسی بھی حدتک جاسکتا ہے۔نفرت، جھوٹ و قوم کو تقسیم کرنے والا شخص ہے۔
