منی ٹوبا : کینیڈا کے صوبے منی ٹوبا میں ٹرک اور معمر افراد کی وین میں تصادم کے نتیجے میں 15افراد ہلاک ہوگئے۔
حادثے کے بعد سڑک دوطرفہ ٹریفک کے لیے بند کردی گئی ہے، حادثہ ونی پیگ کے قریب کاربیری کے علاقے میں پیش آیا ہے۔
کینیڈین پولیس افسر کے مطابق وین ہائی وے 5پر جنوب میں کاربیری قصبے کی طرف جا رہی تھی، جبکہ سیمی ٹریلر ہائی وے ون پر مشرق کی طرف جا رہا تھا۔
پولیس کا کہنا ہے کہ منی ٹوبا میں اس سے قبل اس طرح کے بڑے جانی نقصان کا ٹریفک حادثہ نہیں ہوا ہے۔
