اسلام آباد: تحریک انصاف کے شریک چیئرمین شاہ محمود قریشی نے کہا ہے کہ پی ڈی ایم کا اتحاد بکھر رہا ہے، کل سے اس کی شروعات ہو چکی ہے، عملی طور پر یہ اتحاد ختم ہو چکا ہے، اب اعلان کرنا باقی ہے۔
شاہ محمود قریشی کا کہنا تھا کہ میں آج عدالت میں پیش ہوا، میرے وکیل علی بخاری تیار تھے، انویسٹی گیشن آفیسر تھوڑے سے کنفیوژ تھے، جو کشتی کا واقعہ ہوا اس میں 300 سے زائد پاکستانی ہلاک ہوئے، وزیراعظم نے سوگ کا اعلان کیا۔
انہوں نے کہا کہ یہ پانگ ٹرم ہے؟ 300 گھرانوں کے حالات کو دیکھیں، گھر میں صف ماتم ہے اور یہ معلوم ہی نا ہو کہ آپ کا پیارا زندہ بھی ہے کہ نہیں، میں نے دفترخارجہ میں ایک سیکشن بنایا تھا جس کا کام 24/7 حالات سے باخبر رہنا تھا، آج 3 دن ہوگئے دفتر خارجہ خاموش ہے، حقائق نہیں بتائے جا رہے، میں سمجھتا ہوں دفتر خارجہ کو اس معاملے پر عوام کو آگاہ کرنا چاہیے۔
ان کا کہنا تھا کہ میری ہمدردیاں لواحقین کے ساتھ ہیں، 3 دن سے اس جہاز کا انجن بند تھا، کسی نے نہیں دیکھا، میرے کلپس اور انٹرویوز موجود ہیں ، ہم ہر حلقے میں امیدوار تیار کر رہے ہیں، ہر کسی کو اپنے امیدوار ڈھونڈنے کا حق ہے۔
