یوکرین کے دارالحکومت کیف پر روسی فوج کی جانب سے رات گئے 20 سے زائد میزائل حملوں میں 2 افراد ہلاک اور 11 زخمی ہوگئے۔
روسی ریاست اور سیکیورٹی کمپنی ویگنر کے درمیان بحران پیدا ہونے کے بعد روس نے یوکرین کی سرزمین پر شدید حملہ کیا۔
کیف فوجی ادارے کے سربراہ سرگئی پوپکو نے اطلاع دی کہ روسی فوج نے کل رات کیف پر ایک اور فضائی حملہ کیا۔
یہ بتاتے ہوئے کہ روسیوں نے بحیرہ کیسپین سے X-101/555 میزائل داغے، پوپکو نے کہا، "کیف کے ارد گرد کی فضائی حدود میں 20 سے زیادہ میزائلوں کا تعین ہوا جنہیں ہمارے فضائی دفاع کی طاقت اور آلات سے تباہ کر دیے گیا۔”
پوپکو نے نوٹ کیا کہ میزائل کے کچھ حصے دارالحکومت کے سولومینکا ضلع کے ایک اپارٹمنٹ میں گرے، جس سے آگ بھڑک اٹھی۔
پوپکو نے بتایا کہ حملے کے نتیجے میں 2 افراد ہلاک اور 11 زخمی ہوگئے۔
یوکرین کے دنیپروپیتروسک علاقے کے ملٹری ایڈمنسٹریشن کے سربراہ سرگی لیزاک نے ایک بیان میں کہا کہ روسیوں نے گزشتہ رات اس علاقے میں شدید حملہ کیا اور 2 بچوں سمیت 8 افراد زخمی ہوئے۔
خرکیف علاقے کے فوجی ادارے کے سربراہ اولیگ سینیگوبوف نے بتایا کہ روسیوں نے اس علاقے کو S-300 میزائل سسٹم سے نشانہ بنایا، میزائل کے قدرتی گیس کے پائپ سے آ لگنے کے نتیجے میں آگ بھڑک اٹھی،تا ہم حملے میں کوئی جانی نقصان نہیں ہوا۔
