نئی دہلی: بھارتی کرکٹ بورڈ کے سیکریٹری جے شاہ نے ورلڈکپ میں ٹکٹوں کی خریداری سے متعلق کہا ہے کہ اس سال بھارت میں شیڈول ورلڈکپ میچز کے لیے کرکٹ شائقین کو ای ٹکٹ دستیاب نہیں ہوں گی، انہوں نے کہا کہ شائقین کو فزیکل ٹکٹس اپنے ہمراہ رکھنا ہوں گے۔
بھارتی میڈیا کی رپورٹس کے مطابق سیکریٹری بی سی سی آئی نے کہا کہ ای ٹکٹس کی آزمائشی شروعات پہلے باہمی سیریز کے دوران کی جائیں گی، احمد آباد اور لکھنؤ جیسے بڑی گنجائش والے اسٹیڈیمز کے لیے میگا ایونٹس کے دوران ای ٹکٹس ممکن نہیں۔
جے شاہ نے مزید کہا کہ آئی سی سی کے ساتھ ملکر ورلڈکپ ٹکٹس کے حوالے سے جلد اعلان کریں گے جبکہ گراؤنڈ آنے والے فینز کے لیے صحت مندانہ ماحول اور واش رومز کی صفائی ستھرائی اولین ترجیح ہوگی۔
