کینیڈا کے صوبے البرٹا میں چھوٹا طیارہ گر کر تباہ ہو گیا جس کے نتیجے میں اس میں سوار تمام 6 افراد ہلاک ہو گئے۔
خبر کے مطابق، ایک چھوٹا طیارہ جمعے کی رات پہاڑی علاقے میں گر کر تباہ ہوا۔
حادثے کا شکار ہونے والے طیارے کے مسافر گرجا گھر میں ہونے والی تقریب میں شرکت کرنے کے لیے جا رہے تھے۔
بتایا گیا ہے کہ طیارے میں 1 پائلٹ اور 5 افراد سوار تھے اور طیارے کا پرواز کے آدھے گھنٹے بعد ہی رابطہ منقطع ہو گیا تھا۔
حادثے کے مقام پر موسم ابر آلود تھا جبکہ واقعے کی تفتیش بھی شروع کر دی گئی ہے۔
