ماسکو: یورپی یونین نے روس پر زور دیا ہے کہ وہ یوکرین کے ماسکو کے وسط میں واقع عمارتوں پر ڈرون حملے کے بعد کشیدگی میں اضافہ نہ کرے۔
روسی سرکاری ذرائع ابلاغ کے مطابق یورپی یونین کی خارجہ امور کی ترجمان نبیلہ مصرعلی نے برسلز میں ایک بریفنگ میں کہا کہ روس کواس ڈرون حملے کو مزید کشیدگی کے بہانے کے طور پر استعمال نہیں کرنا چاہیے۔ یورپی یونین کے پاس ڈرونز کی اصل اور واقعے کی تفصیل کے بارے میں کوئی آزادانہ معلومات نہیں۔
انہوں نے اس بات پر زور دیا کہ یوکرین کو یورپی یونین کے مہیا کردہ ہتھیاروں کو صرف اپنے علاقے کے دفاع کے لیے استعمال کرنا چاہیے۔ یورپی یونین کے رکن ممالک کی طرف سے یوکرین کومہیاکردہ فوجی سازوسامان صرف اس کی علاقائی سالمیت اور خودمختاری کے دفاع کے لیے استعمال کیا جا سکتا ہے۔
