اسلام آباد:مسلم لیگ ن کے مرکزی رہنما شاہد خاقان عباسی نے کہا ہے کہ نگران وزیراعظم سیاستدان اور معاشی امور کا ماہر ہونا چاہیے۔
ن لیگی رہنما کا کہنا تھا کہ جب تک انتخابات نہیں ہوتے ملک میں نگراں سیٹ اپ رہے گا ، ملک میں الیکشن کرانا الیکشن کمیشن کی ذمہ داری ہے، الیکشن کمیشن کہے کہ انتخابات نہیں کراسکتا تو وہ جانے اور عدالتیں جانیں۔
انہوں نے کہا کہ انتخابات 90 دن میں اور نوازشریف کی موجودگی میں ہوتے نظر آ رہے ہیں، نوازشریف واپس آکر اپنے مقدمات کا سامنا کرلیں گے، ان کے خلاف بنائے گئے مقدمات جھوٹے ہیں۔
