کراچی: گورنر سندھ کامران ٹیسوری کی جانب سے سندھ اسمبلی کو تحلیل کردیا گیا۔
تفصیلات کے مطابق وزیر اعلیٰ سندھ مراد علی شاہ صوبائی اسمبلی تحلیل کرنے کی سمری پر دستخط کرنے کے بعد سمری لے کر گورنر ہاؤس گئے تھے، جہاں ان کا استقبال کامران ٹیسوری نے کیا۔ اس موقع پر وزیر اعلیٰ سندھ کے ہمراہ سابق صوبائی وزراء سعیدغنی، ناصرحسین شاہ، شبیربجارانی اور مرتضیٰ وہاب بھی موجود تھے۔
رپورٹ کے مطابق وزیر اعلیٰ سندھ نے گورنر سندھ کو اسمبلی تحلیل کرنے کی سمری دی جس پر ان کی جانب سے دستخط کر دیئے گئے جس کے بعد صوبائی اسمبلی تحلیل اور کابینہ بھی ختم ہوگئی۔
محکمہ قانون سندھ نے اسمبلی تحلیل کیے جانے کا نوٹیفکیشن جاری کردیا، نگرں وزیر اعلیٰ کے تقرر تک سیدمرادعلی شاہ وزیراعلیٰ سندھ کے عہدے پرفائزرہیں گے۔
