نئی دہلی:دنیائے کرکٹ پر کئی سال تک حکمرانی کرنے والے سابق بھارتی کپتان ویرات کوہلی نے بابر اعظم کی تعریف کرتے ہوئے کہا ہے کہ پاکستانی کپتان تمام فارمیٹ کا بہترین کھلاڑی ہے۔
بھارتی سپورٹس چینل کو دیئے گئے انٹرویو میں ویرات کوہلی نے کہا ہے کہ بابر اعظم کے ساتھ میرا پہلا براہ راست تعارف 2019 ورلڈ کپ میں ہوا تھا،عماد وسیم کے ساتھ میرا پہلے سے ہی رابطہ تھا اور عماد نے بتایا کہ بابر اعظم مجھ سے ملاقات کرنا چاہتا ہے۔
A bond beyond boundaries!
Here’s what @imVkohli had to say about his 1st interaction with @babarazam258 his genuine admiration for the Pakistani skipper!
Put your #HandsUpForIndia tune-in to #INDvPAK on #AsiaCupOnStar
Sep 2, Saturday | 2 PM Onwards | Star Sports Network pic.twitter.com/vvkbrePWFe— Star Sports (@StarSportsIndia) August 12, 2023
ویرات کوہلی نے مزید بتایا کہ بابر اعظم کے ساتھ ایک نشست ہوئی اور ہم نے کرکٹ کے بارے میں تفصیلی بات چیت کی، پہلے ہی دن سے بابر اعظم نے بہت عزت اور تعظیم کا اظہار کیا اور بابر اعظم کے رویے میں آج تک کوئی تبدیلی نہیں آئی۔
سابق بھارتی کپتان ویرات کوہلی نے کہا ہے کہ بابر اعظم کا دنیا کے بہترین کھلاڑیوں میں شمار ہوتا ہے اور اب وہ تمام فارمیٹ کا شاندار کھلاڑی ہے،اس نے اپنی کارکردگی میں تسلسل برقرار رکھا ہے اور میں جب بھی بابر اعظم کا میچ دیکھتا ہوں تو اچھا لگتا ہے۔
