کوالالمپور: ملائیشیا میں نجی مسافر طیارہ ایک موٹر وے پر گر کر تباہ ہوگیا۔ واقعے میں 10 افراد ہلاک ہو گئے۔
بین الاقوامی خبر رساں اداروں کے مطابق طیارے کو فنی خرابی کا سامنا تھا، جس پر پائلٹ نے موٹر وے پر لینڈنگ کی کوشش کی، تاہم وہ سڑک پر گر کر تباہ ہوگیا۔ حادثے میں طیارے میں سوار 8 مسافر، ایک کار سوار اور ایک موٹر سائیکل سوار شخص ہلاک ہو گئے۔
Moment of private jet plane crashed on the road near moving vehicles in Elmina, Shah Alam, Malaysia. pic.twitter.com/P203hypdbB
— Eliteworld (@eliteworldwaves) August 17, 2023
ایک انجن کا حامل کرافٹ ماڈل 390 طیارہ لنگکاوی سے سیلنگور کی پرواز پر تھا، جس میں 8 مسافر سوار تھے۔ گرنے سے چند لمحے قبل ہی طیارے کا ائرٹریفک کنٹرول سے رابطہ منقطع ہوا تھا۔ ملائیشین سول ایوی ایشن اتھارٹی کے مطابق پائلٹ نے کوئی ہنگامی کال نہیں کی اور نے طیارے کو لینڈنگ کیلیے کلیئرنس دی گئی تھی۔
ترجمان ایوی ایشن کے مطابق طیارے میں 6 مسافر اور عملے کے 2 ارکان موجود تھے۔ واقعے کی تحقیقات کے لیے انکوائری کمیٹی تشکیل دیدی گئی ہے۔ عینی شاہدین نے میڈیا کو بتایا کہ زمیں بوس ہونے سے قبل طیارے کو فضا میں بے ترتیبی سے اُڑتے ہوئے دیکھا گیا اور پھر وہ عمودی حالت میں سڑک پر گر کر تباہ ہوگیا۔
