لاہور: کی احتساب عدالت نے نگران وزیراعظم کے مشیر احد چیمہ کی بیرون ملک جانے کی درخواست منظورکرلی ۔
عدالت نے احد چیمہ کو سرکاری دورے پربیرون ملک جانے کی اجازت دے دی۔ احد چیمہ نے احتساب عدالت لاہورمیں درخواست دائرکی ،درخواست میں موقف اختیارکیا گیا کہ 20سے 27 اگست تک بیرون ملک کا سرکاری دورہ کرنا ہے،ملک سے باہرجانے کی اجازت دی جائے۔ درخواست میں استدعا کی کہ عدالت بیرون ملک جانے کی درخواست منظورکرے۔
عدالت نے نیب حکام سے رپورٹ طلب کی۔واضح رہے کہ نگران وزیراعظم کے مشیر احد چیمہ کیخلاف آشیانہ اقبال اورآمدن سے زائد اثاثہ جات ریفرنسز نیب عدالت میں زیر سماعت ہیں۔
