کوئٹہ:جمعیت علما اسلام(جے یو آئی۔ف) کے مرکزی جنرل سیکریٹری مولانا عبدالغفور حیدری نے کہا ہے کہ مستونگ حملے کے پیچھے عالمی قوتیں ملوث ہیں اور ان ہی قوتوں نے چیئرمین پاکستان تحریک انصاف کو پاکستان پر مسلط کیا۔
مولانا عبدالغفور حیدری کا کہنا تھا کہ حافظ حمد اللہ کے قافلے پر حملہ ہوا ہے ، الحمدللہ وہ اور ان کے رفقا سب محفوظ رہے۔
واضح رہے کہ جمعرات کو بلوچستان کے ضلع مستونگ میں دھماکا ہوا جس کے نتیجے میں جمعیت علما اسلام کے رہنما حافظ حمد اللہ سمیت 11 افراد زخمی ہوئے۔
