غزہ پر اسرائیلی بمباری 15ویں روز میں داخل ہوگئی، اسرائیلی قابض فوج نے رہائشی علاقوں پر بمباری جاری رکھی جس کے نتیجے میں مزید کئی بچے شہید ہوگئے۔
غزہ پر دو ہفتوں سے جاری اسرائیلی جارحیت کے نتیجے میں اب تک 1700 سے زائد بچوں سمیت 4,385 افراد شہیدہو چکے ہیں۔
دریں اثنا، مصر سے امدادی ٹرکوں نے رفح کراسنگ کے ذریعے غزہ کی پٹی میں داخل ہونا شروع کر دیاہے، بین الاقوامی ایجنسیوں اور فلسطینی اداروں نے بتایا کہ امدادی سامان 20 ٹرکوں پر مشتمل ہے،جو غزہ کے متاثرین کے لیے ناکافی ہیں۔
