برسلز: یورپی یونین اسرائیل،حماس جنگ کو انسانی ہمدردی کی بنیاد پر روکنے کا مطالبہ کرے گی۔
رائٹرز کے مطابق جمعرات کو برسلز میں ہونے والے یورپی یونین کے اجلاس میں یونین میں شامل 27 ممالکانسانی ہمدردی کی بنیاد پر جنگ روکنے کا مطالبہ کریں گے تاکہ غزہ میں فلسطینیوں کے لیے انسانی امداد بحفاظت پہنچ سکے۔
واضح رہے کہ یورپی یونین میں شامل 27 ممالک کے رہنما جمعرات اور جمعہ کو برسلز میں ملاقات کریں گے، جسے یورپی کونسل کہا جاتا ہے، مشرق وسطیٰ کی صورتحال ان کے ایجنڈے میں سرفہرست ہوگی۔
سربراہی اجلاس کے مسودے سے ظاہر ہوتا ہے کہ ” یورپی کونسل اقوام متحدہ کے سیکرٹری جنرل انٹونیو گوتیرس کے انسانی ہمدردی کی بنیاد پر جنگ بندی کے مطالبے کی حمایت کرتی ہے تاکہ ان لوگوں تک انسانی امداد اور امداد کی محفوظ رسائی کی اجازت دی جا سکے۔
مسودے میں یہ بھی کہا گیا ہے کہ یورپی یونین غزہ کے شہریوں کے تحفظ کے لیے خطے میں شراکت داروں کے ساتھ مل کر کام کرے گی، امدادی سامان پہنچانے کی کوشش کرنے والوں کی مدد کرے گی اور خوراک، پانی، طبی دیکھ بھال، ایندھن اور پناہ گاہ تک رسائی کو آسان بنائے گی۔ تمام یرغمالیوں کی بغیر کسی پیشگی شرط کے فوری رہائی کی ضرورت پر زور دیا جائے گا۔
